|
EDCS
|
|
|
Datenbank-Recherche  /
search database  /
banco de datos  /
recherches à la banque des données  /
ricerca nel database 
EDCS-Journal – Open Peer-Reviewed Online Journal Please send PDFs of your latest publications. |
|
inscriptions found: 1
publication: CIL 06, 37965 = CLE 01988 (3 p 160) = CLENuovo p 139 = CLENuovo p 173 = TermeDiocleziano-01, p 545 = TermeDiocleziano-02, p 169 = ZPE-61-251 = Epigraphica-2013-233 = AE 1913, 00088 = AE 1914, +00009 = AE 1915, +00006 = AE 1919, +00022 = AE 1919, +00050 = AE 1919, +00085 = AE 1922, +00135 = AE 1923, +00103 = AE 1929, 00100 = AE 1932, +00074 = AE 1995, +00115 = AE 1997, +00087 = AE 2003, +00198 = AE 2013, 00154 = ZPE-227-253 = ZPE-227-265
dating: 1 to 50 EDCS-ID: EDCS-16100342
province: Roma place:
Dis Manib(us) / Alliae A(uli) l(ibertae) Potestatis // hic Perusina sita est qua non pretiosior ulla / femina de multis vix una aut altera visa / sedula seriola parva tam magna teneris / crudelis fati rector duraque Pers<e=I>phone / quid bona diripitis ex(s)uperantque mala / quaeritur a cunctis iam respondere fatigor / dant lac{h}rimas animi signa benigna sui / fortis sancta tenax insons fidissima custos / munda domi sat munda foras notissima volgo(!) / sola erat ut posset factis occurrere cunctis / exiguo sermone inreprehensa manebat / prima toro delapsa fuit eadem ultima lecto / se tulit ad quietem positis ex ordine rebus / lana cui e manibus nuncquam(!) sine caus{s}a recessit / o<b=P>sequioque prior nulla moresque salubres / haec sibi non placuit numquam sibi libera visa / candida luminibus pulchris aurata capillis / et nitor in facie permansit eburneus illae / qualem mortalem nullam habuisse ferunt / pectore et in niveo brevis illi forma papillae / quid crura Atalantes status illi comicus ipse / anxia non mansit sed corpore pulchra benigno / levia membra tulit pilus illi quaesitus ubique / quod manibus duris fuerit culpabere forsan / ni(hi)l illi placuit nisi quod per se sibi fecerat ipsa // nosse fuit nullum studium sibi se satis esse putabat / mansit et infamis quia ni(hi)l admiserat umquam / haec duo dum vixit iuvenes ita rexit amantes / exemplo ut fierent similes Pyladisque et Orestae / una domus capiebat eos unusque et spiritus illis / post hanc nunc idem diversi sibi quisq(ue) senescunt / femina quod struxit talis nunc puncta lacessunt / aspicite ad Troiam quid femina fecerit olim / sit precor hoc iustum exemplis in parvo grandibus uti / hos tibi dat versus lac{h}rima{n}s sine fine patronus / muneris amissae cui nuncquam(!) es pectore adempta / quae putat amissis munera gratia dari / nulla cui post te femina visa proba est / qui sine te vivit cernit sua funera viv<u=O>s / auro tuum nomen fert ille refertque lacerto / qua retinere potest auro conlata potestas / quantumq(ue) tamen praeconia nostra valebunt / versiculis vives quandiucumque(!) meis / effigiem pro te teneo solacia nostri / quam colimus sancte sertaque multa datur / cumque Atte veniam mecum comitata sequetur / sed tamen infelix cui tam sollemnia mandem / si tamen extiterit cui tantum credere possim / hoc unum felix amissa te mihi forsan ero / et mihi vicisti sors mea facta tua est // laedere qui hoc poterit ausus quoque laedere divos / haec titulo insignis credite numen habet
inscription genus / personal status: carmina; liberti/libertae; mulieres; tituli sepulcrales; tria nomina
material: lapis
| imprint | data protection | disclaimer |