| Pertaining to Basilica S.Petri apostoli (via Cornelia) |
| Titulus sepulchralis |
| Date: 375-399 |
| Edition(s): ICVR II, 4219; CIL VI, p. 389 ad nn. 1751-1756; ILCV, 63 |
| Other bibliography: Dresken-Weiland 2007, 293, nt. 61 |
| ć: ać sublimes quisquis tumuli miraberis arces dices quantus erat qui probus hic situs est consulibus proavis socerisque et consule maior quod geminas consul reddidit ipse domos praefectus quarto totum dilectus in orbem sed fama emensus quicquid in orbe hominum est aeternos heu %Roma tibi posceret annos cur non vota tui vixit adusque boni nam cum sex denos mensis suspenderet annos dilectae gremio raptus in aethra Probae sed periisse Probum meritis pro talibus absit credas %Roma tuum vivit et astra tenet virtutis fidei pietatis honoris amicus parcus opum 'i largus et ipse sui solamen tanti coniux tamen optima luctus hoc Proba sortita est iungat ut urna pares felix heu nimium felix dum vita maneret digno iuncta viro digna simul tumulo ć:bć exuviis resolutus in aetheris aequore tutum curris iter cunctis integer a vitiis nomine quod resonas imitatus moribus aeque %Iordane ablutus nunc Probus es melior dives opum clarusque genus praecelsus honore fascibus inlustris consule dignus avo bis gemina populos praefectus sede gubernans has mundi phaleras hos procerum titulos transcendis senior donatus munere Christi hic est verus honos haec tua nobilitas laetabare prius mensae regalis honore principis alloquio regis amicitia nunc propior Christo sanctorum sede potitus luce nova frueris lux tibi Christus adest o numquam deflende tuis cum vita maneret corporis atque artus spiritus hos regeret primus eras nullique patrum virtute secundus nunc renovatus habes perpetuam requiem candida fuscatus nulla velamina culpa et novus insuetis incola liminibus his solare tuos quamquam solatia moesta gratia non quaerat gratia Christe tua vivit in aeterna paradisi sede beatus qui nova decedens muneris aetherii vestimenta tulit quo denigrante Belial cessit et ingemuit hic nihil esse suum hunc tu Christe choris iungas caelestibus oro te canat et placidum iugiter despiciat eque tuo semper dilectus pendeat ore auxilium soboli coniugioque ferens |
| Antonio Enrico Felle, 11/11/2003 |
| Last update by Antonello Vilella on 20/02/2020 |