EDCS Epigraphik-Datenbank  Clauss / Slaby Manfred Clauss / Anne Kolb / Wolfgang A. Slaby / Barbara Woitas
	Datenbank-Recherche   / search database   / banco de datos   / recherches à la banque des données   / ricerca nel database abbreviations EDCS-Journal – Open Peer-Reviewed Online Journal  Please send PDFs of your latest publications.

search nr. today:   1310

inscriptions found:  1

---

publication: CIL 06, 21521 (p 3526) = CIL 06, 34137 = CLE 01109 = CLENuovo p 119 = CLENuovo p 167 = CCCA-03, 00334 = AE 2008, +00150 = ETF(historia)-2020-213
dating: 1 to 100         EDCS-ID: EDCS-12600586
province: Roma         place:
Memoriae M(arci) Luccei M(arci) f(ilii) Nepotis Sex(tus) Onussanius Sex(ti) f(ilius) Com[3] / quum praematura raptum mihi morte Nepotem / flerem Parcarum putria fila querens / et gemerem tristi damnatam sorte iuventam / versaretque novus viscera tota dolor / me desolatum me desertum ac spoliatum / clamarem largis saxa movens lacrimis / exacta prope nocte suos <c=Q>u{u}m Lucifer ignes / spargeret et volucri roscidus iret equo / vidi sidereo radiantem lumine formam / aethere delabi non fuit illa quies / sed verus iuveni color et sonus at status ipse / maior erat nota corporis effigie / ardentis oculorum orbes umerosq(ue) nitentis / ostendes roseo reddidit ore sonos / adfinis memorande quid o me ad sidera caeli / ablatum quereris desine flere deum // ne pietas ignara superna sede receptum / lugeat et laedat numina tristitia / non ego Tartareas penetrabo tristis ad undas / non Acheronteis transvehar umbra vadis / non ego caeruleam remo pulsabo carinam / nec te terribilem fronte timebo Charon / nec Minos mihi iura dabit grandaevus et atris / non errabo locis nec cohibebor aquis / surge refer matri ne me noctesque diesque / defleat ut maerens Attica mater Ityn / nam me sancta Venus sedes non nosse silentum / iussit et in caeli lucida templa tulit / erigor et gelidos horror perfuderat artus / spirabat suavi tinctus odore locus / die Nepos seu tu turba stipatus Amorum / laetus Adoneis lusibus insereris // seu grege Pieridum gaudes seu Palladis [arte] / omnis caelicolum te chor[u]s exc[ipiet] / si libeat thyrsum gravidis aptare co[rymbis] / et velare comam palmite Liber [eris] / pascere si crinem et lauro redimire [placebit] / arcum cum pharetra sumere Ph[oebus eris] / indueris teretis manicas Phrygium [decus Attis(?)] / non unus Cybeles pectore vivet a[mor] / si spumantis equi libeat quatere ora [lupatis] / Cyllare formosi membra vehes e[quitis] / sed quicumque deus quicumque vocaber[is heros] / sit soror et mater sit puer incolu[mis] / haec dona unguentis et sunt potiora c[orollis] / quae non tempus edax non rapi[t ipse rogus(?)]
inscription genus / personal status: carmina;  tituli sepulcrales;  tria nomina;  viri
material: lapis