EDCS Epigraphik-Datenbank  Clauss / Slaby Manfred Clauss / Anne Kolb / Wolfgang A. Slaby / Barbara Woitas
	Datenbank-Recherche   / search database   / banco de datos   / recherches à la banque des données   / ricerca nel database abbreviations EDCS-Journal – Open Peer-Reviewed Online Journal  Please send PDFs of your latest publications.

search nr. today:   117769

inscriptions found:  1

---

publication: CIL 13, 02372 = ILCV 00046 = CLE 01365          EDCS-ID: EDCS-10501349
province: Lugudunensis         place:
Sceptrorum columen terrae decus et iubar orbis / hoc artus tumulo vult Caretene tegi / qua(m) famulam tu Christe tuam rerumque potentem / de mundi regnis ad tua regna vocas / thesaurum ditem felici fine secutam / fotis pauperibus quem dedit illa deo / iam dudum castum castigans aspera corpus / delituit vestis murice sub rutilo / occuluit laeto ieiunia sobria vultu / secreteque dedit regia membra cruci / princip<i=E>s excelsi curas partita mariti / adiuncto rexit culmina consilio / pr(a)eclaram s<o=V>bolem dulcesque gavisa nepotes / ad veram doctos sollicitare fidem / dotibus his pollens sublimi mente subire / non sprevit sacrum post diadema iugum / cedat odoriferis quondam dominata Sabaeis / expetiit mirum quae Salomonis opus / condidit haec templum pr(a)esens quod personat orbe / angelicisque dedit limina celsa choris / laxatura reos regi qua<e=S> sepae(!) ferebat / has offerre preces nunc tibi Christe potest / quam cum post decimum rapuit mors invida lustrum / accepit melior tum sine fine dies / iamque bis octona Septembrem luce movebat / nomen Messalae consulis annus(!) agens
inscription genus / personal status: carmina;  inscriptiones christianae
material: lapis